Tud ar Vro - Bro Léon ....
Tud ar vro – Bro Leon, ur gevredigezh ezel ouzh KLT… ha n’eo ket gwall anavezet
Unan, daou, tri ! A gleiz !
Lennit ar penn mañ da c’houzout piv int ha petra reont. Neuze marteze e kavoc’h ar c’hoant da vont war eeun…
Gwechall an dañsou a veze kanet e-barzh an dañs. Pegen bras oa ar blijadur da vont da zañsal gant ar re gor er Vro Bagan. Bet on bet ganto e Plouneour-Traezh, Brignogan, Kerlouan ha Plougerne. Ha ganto hon eus sentet petra oa dañsal e-barzh an dañs. Met ar mod-se zo kazimant aet da goll.
Ar festoù-noz o deus savetaet ar blijadur evit an dañsoù met lakaet eo bet ar c’hanerien war al leurenn, evel diouzh ar sonerien. Al liam etre an dañserien hag ar musikerien a zo bet chanet.
Setu gant an doare-se da ober hon eus labouret e-pad ugent vloaz war an dañsou all : gavotenn gouele Leon, dañs-a-benn betek hon eus kavet ur mod tost eus ar mod-gwechall da zañsal peogwir ne oa tud-kozh ebet ken da ziskouez deomp.
Tud ar vro- Bro Leon a labour atav evit ma ne viche ket kolled an hengoun-se. Setu ar pal a zo deskiñ kanaouennoù evit dañsal. Ur stal deskiñ a vez bep pemzek devezh e Plouenan.
Met bremañ gant an enkadur e labouromp evit sevel ul lec’h internet evit ma c’helfe pep hini kavout peadra evit deskiñ ar c’hanaouennoù.
Neuze war « Tud ar vro Bro Leon » e kavo’ch istor dansoù Bro Léon, ar mod da zañsal ha da ganañ anezo. Echuet hom eus ar c’hanaouennoù evit an Dañs a-benn. Evit ar gavotenn Bro Leon eo avanced mat al labour. Kalz a draoù a zo bet lakaet evit an dañs round (round simpl pe round pagan) kavet war bord ar mor pe Enez Vaz.
Lakaet on deuz ivez an Dañsou a-benn war ur chadenn «Tud ar Vro Bro Leon – YouTube ». Aze e c’helloc’h selaou ar c’hanaouenn ha lenn ar c’homzoù da heul.
Setu ! Unan, daou, tri ! Ma z’oc’h ho unan e c’helloc’h kanañ a bouez penn en ho ti pe en ur bleinañ ho auto… He marteze dont da welet ac’hanomp e Plouenan pa vo echu an enkadur !
Ha peogwir emañ Nédéleg o tont, Nedeleg laouen d’an holl !
N’hon eus ket kavet ur ganaouenn pe un dañs evit ar gouel-se nemet ar pezh a oa kanet en iliz…
Met evit ar bloaz-nevez ez eus ur ganaouenn kanet gant Alain Glidic eus an Enez Vaz, desket gant e vamm-gozh : mod Bro Leon a gavoc’h war al le’ch internet
Ur bloavezh mat a souetan
Da gement den ‘zo en ti-mañ.
D'an tad, d'ar vamm, d'ar vugale :
Yec'hed, nerzh ha prosperite.
Ha m’ho peus c’hoant da gaozeal ganeomp, leskit ur c’hemennad war hon chomlec’h internet Tud ar Vro. Un niverenn pellgomz da re a gav gwelloc’h : 0688142353
Yvon
Ar bloavezh mat chanté par Alain Glidic (collectage Claude-Max Jacob 2004)
